༄༅།། ༢༠༡༩ ཕྱི་ཟླ་ ༡༡ ཚེས་ ༡༨ ཉིན་སྔ་དྲོ་གཱཾདྷཱིའི་རིག་སློབ་ཁང་ནས་ཕེབས་ཐོན་གྱིས་པབ་ནཱར་བསྟི་གནས་སུ་ཨཱཅཱརྱ་བིནོབཱ་བྷཱབེ་མཆོག་གི་བཞུགས་གནས་སུ་མཆོད་མཇལ་ཞུས། དེ་ནས་ནཱག་པུར་ནས་གནམ་ཐོག་ཕེབས་ཐོན་གྱིས་སྦེང་ལོར་བརྒྱུད་ཕྱི་དྲོ་སེར་བྱེས་ལྭ་བ་ཁམས་ཚན་དུ་འབྱོར་སྐབས་འདུས་མང་དང་ཕྱོགས་མཐའ་ཁག་ནས་ཕེབས་པའི་འཇོལ་པ་མང་ཚོགས་ཀྱིས་བསུ་བ་རྒྱ་ཆེར་ཞུས།
༄༅།། ༢༠༡༩ ཕྱི་ཟླ་ ༡༡ ཚེས་ ༡༤ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དིལླཱི་ནས་ཕེབས་ཐོན་གྱིས་སྦེང་ལོར་བརྒྱུད་ཕྱི་དྲོ་རྒྱ་གར་གྱི་མངའ་སྡེ་ཨཱདྷྲ་པྲདེཤའི་ཅིཏྟུར་རྫོང་ཁོངས་རྀ་ཥི་ཝེ་ལི་སློབ་གྲྭར་འབྱོར།
༄༅།། ༢༠༡༩ ཕྱི་ཟླ་ ༡༡ ཚེས་ ༡༢ ཕྱི་དྲོ་སློབ་དཔོན་ཟམ་གདོང་རིན་པོ་ཆེ་མཆོག་ཝཱ་རཱ་ཎ་སཱི་ནས་དིལླཱིར་ཕེབས་འབྱོར་བྱུང་། ༢༠༡༩ ཕྱི་ཟླ་ ༡༡ ཚེས་ ༡༣ སྔ་དྲོ་དིལླཱིར་རྟེན་གཞི་བྱས་པའི་ཨཱཡུར་ཛྙཱན་ནྱཱས་ (ཚེའི་ཡེ་ཤེས་དགེ་རྩའི་) ལས་ཁུངས་སུ་ཆེད་དུ་བཟོས་པའི་བཀོལ་སྤྱོད་མཉེན་ཆས་ཤིག་དབུ་འབྱེད་མཛད་སྒོར་མཉམ་ཞུགས་གནང་བ་མ་ཟད། བཀོལ་སྤྱོད་མཉེན་ཆས་དེའི་དབུ་འབྱེད་ཀྱང་གནང་འདུག
༄༅།། ༢༠༡༩ ཕྱི་ཟླ་ ༡༡ ཚེས་ ༨ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དྷརྨ་ཤཱ་ལཱ་ནས་གནམ་ཐོག་ཕེབས་ཐོན་གྱིས་དིལླཱིར་བརྒྱུད་ཉིན་རྒྱབ་ཝཱ་རཱ་ཎ་སཱི་གནམ་ཐང་དུ་འབྱོར་སྐབས་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་རིགས་བདག་མཆོག་དང་། ཝཱ་ཎ་སློབ་ཟུར་ཚོགས་པའི་ཚོགས་གཙོ་དང་ཚོགས་མི་སོགས་ཀྱིས་བསུས་ཏེ་ཝཱ་ཎ་བོད་ཀྱི་གཙུག་ལག་སློབ་ཁང་དུ་ཕེབས་འབྱོར་བྱུང་། དེར་ཡང་གཙུག་ལག་སློབ་ཁང་གི་དགེ་རྒན་དང་ལས་བྱེད། ཕྱོགས་མཐའ་ཁག་ནས་ཕེབས་པའི་སློབ་ཟུར་བ་ཁག དེ་བཞིན་སློབ་གཉེར་བ་སོགས་ཀྱིས་བསུ་བ་ཟབ་རྒྱས་ཞུས།
༄༅།། ༢༠༡༩ ཕྱི་ཟླ་ ༡༡ ཚེས་ ༣ ཉིན་སྔ་དྲོ་དྷ་སའི་དྭང་བླངས་འཁྲུངས་ཚེས་གོ་སྒྲིག་ཚན་ཆུང་གི་གོ་སྒྲིག་འོག་བཞུགས་སྒར་དྷ་སའི་བོད་ཀྱི་ཟློས་གར་ཚོགས་ཁང་དུ་སློབ་དཔོན་ཟམ་གདོང་རིན་པོ་ཆེ་མཆོག་གི་འཁྲུངས་ཚེས་སྲུང་རྩི་དང་བཀའ་དྲིན་རྗེས་དྲན་གྱི་མཛད་སྒོ་ཞིག་ཉིན་གཉིས་སྔ་བསྣུར་གྱིས་གནང་ཞིང་།
༄༅།། ༢༠༡༩ ཕྱི་ཟླ་ ༡༠ ཚེས་ ༩ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་བཞུགས་སྒར་དྷ་ས་ནས་ཕེབས་ཐོན་གྱིས་དིལླཱིའི་བརྒྱུད་ཚེས་ ༡༡ སྔ་དྲོ་ལྷོ་ཀོ་རི་ཡའི་གྲོང་ཁྱེར་བུ་སན་དུ་འབྱོར།
༄༅།། ༢༠༡༩ ཕྱི་ཟླ་ ༡༠ ཚེས་ ༢ ཉིན་སློབ་དཔོན་ཟམ་གདོང་རིན་པོ་ཆེ་མཆོག་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་གོ་སྒྲིག་འོག་སཱ་ར་བོད་ཀྱི་མཐོ་རིམ་སློབ་གཉེར་ཁང་གི་གཙུག་ལག་ཁང་དུ་རྒྱ་གར་དང་བལ་ཡུལ་ཁུལ་དུ་བཅའ་སྡོད་བོད་ཀྱི་གཞུང་འབྲེལ་མ་ཡིན་པའི་ཚོགས་སྡེ་ཁག་སུམ་ཅུ་ལྷན་འཛོམས་ཀྱི་ཟབ་ཁྲིད་ཐོག་ལམ་སྟོན་གསུང་བཤད་ཆེད་གདན་འདྲེན་ཞུས་པ་ལྟར་ཆེད་ཕེབས་ཀྱིས་
༄༅།། ༢༠༡༩ ཕྱི་ཟླ་ ༡༠ ཚེས་ ༡ ཉིན་སློབ་དཔོན་ཟམ་གདོང་རིན་པོ་ཆེ་མཆོག་དེཧརཱ་དཱུན་ནང་རྟེན་གཞི་བྱས་པའི་ནབ་དྷནྱ་ (Navdanya) ཞེས་པའི་ཚོགས་པ་གྲགས་ཅན་དེ་དང་དིལླཱིར་རྟེན་གཞི་བྱས་པའི་རྒྱ་གར་རྒྱལ་སྤྱིའི་ལྟེ་གནས་ (India International Center) གཉིས་ཟུང་འབྲེལ་གོ་སྒྲིག་འོག
༄༅།། ཇི་ལྟར་ཟླ་ཤས་སྔོན་ནས་ཞུས་པ་བཞིན་ ༢༠༡༩ ཕྱི་ཟླ་ ༩ ཚེས་ ༡༠ ཉིན་ཕྱི་དྲོ་སློབ་དཔོན་ཟམ་གདོང་རིན་པོ་ཆེ་མཆོག་བོད་ཀྱི་སྨན་རྩིས་མཐོ་སློབ་ཁང་དུ་ ‘སྲོལ་རྒྱུན་རིག་གནས་ལ་སློབ་གཉེར་བྱ་ཚུལ་’ ཞེས་པའི་བརྗོད་གཞིའི་ཐོག་གསུང་བཤད་གནང་ཆེད་ཕེབས་ཤིང་། ཐོག་མར་སྨན་རྩིས་མཐོ་སློབ་ཀྱི་རྩིས་དགེ་བློ་ལྡན་ལགས་ནས་ངོ་སྤྲོད་དང་དགའ་བསུའི་གསུང་བཤད་གནང་རྗེས།