སེབཱ་གྲཱམ་བསྟི་གནས་སུ་མང་ཚོགས་ལ་བོད་དོན་སྐོར་གསུང་བཤད་གནང་བ།
༢༠༡༥ ཕྱི་ཟླ་ ༡ ཚེས་ ༣ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་ཐོག་མར་སེབཱ་གྲཱམ་བསྟི་གནས་ (Sevagram Ashram) སུ་བདག་ཉིད་ཆེན་པོ་གཱཾདྷཱིའི་བཞུགས་གནས་ (Bapu Kuti) སུ་གནས་མཇལ་དང་། ཞལ་འདོན་གསུངས་རྗེས། མང་ཚོགས་གསུང་བཤད་གནང་སའི་ཚོགས་ཁང་དུ་ཕེབས་འབྱོར་སྐབས། དགའ་བསུའི་གླུ་དང་སྐུད་ཕྲེང་སོགས་ཕུལ། 
དེ་ནས་ཌོཀ་ཊར་སུརེནྡྲ་ཀུམཱར་མཆོག་ནས་རིན་པོ་ཆེའི་ངོ་སྤྲོད་གྲུབ་མཚམས། རིན་པོ་ཆེས་མང་ཚོགས་ལ་ “བོད་རང་སྐྱོང་འཐབ་རྩོད་ཐོག་འཚེ་མེད་ཞི་བའི་ཐབས་ལམ་” (Reflections on non-violence as means of struggle for Autonomous Tibet) ཞེས་པའི་བརྗོད་གཞིའི་ཐོག་ཧིན་སྐད་ནང་གསུང་བཤད་གནང་སྟེ། བོད་དེ་ཁེར་རྐྱང་དུ་གནས་པར་བརྟེན་ཁེ་གྱོང་གཉིས་བྱུང་བ་ལས། ཁེ་ནི་དེང་རབས་སྤྱི་ཚོགས་དཔལ་ཡོན་གྱིས་མ་འགོས་པ་དང་། གྱོང་ནི་རྒྱལ་སྤྱིའི་སྟེང་མངོན་པར་གསལ་མ་ཐུབ་པས་ད་ལྟའི་གནས་སྟངས་འདི་བྱུང་ཚུལ། དེའང་དེང་རབས་སྤྱི་ཚོགས་དཔལ་ཡོན་ལ་བརྟེན་ནས་བྱུང་ཚུལ། བོད་དེ་རྒྱ་གར་དང་རྒྱ་ནག་ཨུ་རུ་སུ་ལྟ་བུའི་སྟོབས་ཆེན་
རྒྱལ་ཁབ་དབུས་སུ་གནའ་སྔ་མོ་ནས་ཡོད་རུང་ཕྱི་ལོ་ ༡༩༥༡ ནང་གཞི་ནས་བཙན་བཟུང་བྱུང་བ་དེའི་རྒྱུ་མཚན་སོགས་གསུངས་རྗེས། བོད་ཀྱི་རང་སྐྱོང་ཤེས་པར་བོད་ཀྱི་ངོ་སྤྲོད་མདོར་བསྡུས་ཤིག་གནང་སྟེ། བོད་ཀྱི་ས་ཆགས་ཚུལ་དང་། རྒྱ་གར་དང་འབྲེལ་བ། མི་རིགས། སྐད་ཡིག བསྒྱུར་གྱི་སྐོར། དེ་བཞིན་ཆབ་སྲིད་ཀྱི་གནས་སྟངས་ལས་འཕྲོས་ཏེ། འཚེ་བ་དང་འཚེ་བ་མེད་པའི་ལས་འགུལ་ཁག ད་ལྟ་ལས་འགུལ་རྣམས་འཚེ་བ་མེད་པ་ཡིན་ཚུལ། བོད་ནང་རང་ལུས་མེར་སྲེག་སྐོར། མཐར་རྒྱ་གར་མང་ཚོགས་ཀྱིས་བོད་དོན་རྒྱབ་སྐྱོར་མུ་མཐུད་གནང་སྐྱོང་གི་རེ་སྐུལ་དང་། དེ་ནས་ཨིན་སྐད་ཐོག་གསུང་བཤད་སྙིང་བསྡུས། མཐར་སྐུ་ཞབས་ཋཱ་ཀུར་ཀཱ་ཀཱ་ནས་ཐུགས་རྗེ་ཆེ་ཞུའི་གསུང་བཤད་གནང་སྟེ་གྲོལ།
མང་ཚོགས་གསུང་བཤད་དེའི་ནང་བརྡྷཱ་ཁུལ་གྱི་ཤེས་ཡོན་པ་དང་། མཁས་དབང་། སློབ་ཕྲུག་སོགས་འདུ་འཛོམས་ཆེ་ཙམ་འདུག
སེབཱ་གྲཱམ་བསྟི་གནས་སུ་མཇལ་ཁར་བསྐྱོད་པ།
༄༅།། ༢༠༡༥ ཕྱི་ཟླ་ ༡ ཚེས་ ༣ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་སེབཱ་གྲཱམ་བསྟི་གནས་ (Sevagram Ashram) སུ་བདག་ཉིད་ཆེན་པོ་གཱཾདྷཱིའི་བཞུགས་གནས་ (Bapu Kuti) ཀྱི་མཇལ་ཁར་བསྐྱོད་དེ་གནས་མཇལ་དང་ཞལ་འདོན་སོགས་གནང་ཞིང་། དེ་སྐབས་བསྟི་གནས་ཀྱི་ལས་བྱེད་རྣམས་ཀྱིས་ཕེབས་བསུ་ཞུས་འདུག