༈ ཝཱ་རཱ་ཎ་སཱིར་གསུང་བཤད་གནང་བ།
༄༅།། ༢༠༡༨ ཕྱི་ཟླ་ ༡༠ ཚེས་ ༢༩ ཉིན་སློབ་དཔོན་ཟམ་གདོང་རིན་པོ་ཆེ་མཆོག་གིས་ཝཱ་ཎ་སློབ་གཉེར་བའི་བདེ་དོན་ལྷན་ཚོགས་ཀྱི་གོ་སྒྲིག་འོག་ཨ་ཏཱི་ཤའི་ཚོགས་ཁང་དུ་ “སློབ་གཉེར་ཁང་འདིའི་དམིགས་ཡུལ་དང་མ་འོངས་པའི་ཁ་ཕྱོགས་” ཞེས་པའི་བརྗོད་གཞིའི་ཐོག་གསུང་བཤད་གནང་བ་མ་ཟད། དྲི་བ་ཁག་ལ་ལན་འདེབས་གནང་།
ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་ནས་ཇི་ལྟར་རེ་བསྐུལ་ཞུས་པ་བཞིན་ ༢༠༡༨ ཕྱི་ཟླ་ ༡༠ ཚེས་ ༣༠ ཉིན་ཕྱི་དྲོ་ཨ་ཏཱི་ཤའི་ཚོགས་ཁང་དུ་ “དབུ་མ་རྩ་བ་ཤེས་རབ་ཀྱི་འགྲེལ་པ་བུདྡྷ་པཱལིཏ་དང་ཚིག་གསལ་གཉིས་ཀྱིས་མགོན་པོ་ཀླུ་སྒྲུབ་ཀྱི་དགོངས་པ་ཐུན་མོང་མ་ཡིན་པ་བཀྲལ་ཚུལ་” ཞེས་པའི་བརྗོད་གཞིའི་ཐོག་གསུང་བཤད་གནང་བ་མ་ཟད། དྲི་བ་ཁག་ལ་ལན་འདེབས་གནང་།
༢༠༡༨ ཕྱི་ཟླ་ ༡༠ ཚེས་ ༣༡ དང་ཕྱི་ཟླ་ ༡༡ ཚེས་ ༡ ཉིན་གཉིས་རིང་སློབ་དཔོན་ཟམ་གདོང་རིན་པོ་ཆེ་མཆོག་དགའ་ལྡན་ཕོ་བྲང་ཡིག་ཚང་གི་གོ་སྒྲིག་འོག་ཝཱ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་ཚོགས་ཆུང་ཁང་མིག་ཏུ་རྒྱ་གར་གནའ་བོའི་ལྟ་གྲུབ་ཁག་གི་སློབ་ཚན་འཆར་གཞིའི་ཐོག་མཁས་པའི་ཚོགས་འདུར་མཉམ་ཞུགས་གནང་།
