གསར་དུ་སྤེལ་བའི་གནས་ཚུལ།

༈ དེབ་ཀློག་གི་རིན་ཐང་དང་ཤེས་ཡོན་ལ་འཇུག་ཚུལ་ཐོག་གསུང་བཤད་གནང་བ།

༄༅།། ཕྱི་ལོ་ ༢༠༡༦ ཟླ་ ༡༠ ཚེས་ ༣༠ ཉིན་རྒྱབ་ཏུ་སློབ་དཔོན་ཟམ་གདོང་རིན་པོ་ཆེས་དྷ་ས་མེ་གྷན་ཉིན་མོའི་སློབ་གྲྭའི་རྩེད་ཐང་དུ་མགོན་པོ་རྒྱལ་ལགས་ཀྱིས་འགྲེམས་སྟོན་གནང་བའི་༧གོང་ས་མཆོག་གི་གསུང་རྩོམ་ཕྱག་དེབ་ཁག་ལ་གཟིགས་ཞིབ་དང་། དེ་རྗེས་སློབ་གྲྭའི་ཚོགས་ཁང་དུ་དེབ་ཀློག་གི་རིན་ཐང་དང་ཤེས་ཡོན་ལ་འཇུག་ཚུལ་ཞེས་པའི་བརྗོད་གཞིའི་ཐོག་གསུང་བཤད་དང་དྲི་བ་དྲིས་ལན་གནང་ཡོད།

བོད་ཁྱིམ་སློབ་གྲྭ་ཁག་གི་རིགས་ལམ་འདུ་འཛོམས་ཆེན་མོ་ཐེངས་དྲུག་པའི་ཐོག་ལམ་སྟོན་གསུང་བཤད་གནང་བ།

༄༅།། ༢༠༡༦ ཕྱི་ཟླ་ ༡༠ ཚེས་ ༨ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་གོ་པཱལ་པུར་བོད་ཁྱིམ་སློབ་གྲྭར་ཧི་མཱ་ཅལ་ཁུལ་བོད་ཁྱིམ་སློབ་གྲྭ་ཁག་གི་རིགས་ལམ་འདུ་འཛོམས་ཆེན་མོ་ཐེངས་དྲུག་པའི་མཇུག་སྡོམ་མཛད་སྒོའི་སྐུ་མགྲོན་གཙོ་བོར་གདན་ཞུས་ཀྱིས་རིགས་ལམ་སྦྱོང་བའི་དགོས་དམིགས་དང་ཕན་ཡོན་སོགས་ཀྱི་ཐོག་ལམ་སྟོན་གསུང་བཤད་སོགས་གནང་ཞིང་།

སྨན་རྩིས་མཐོ་སློབ་ཏུ་ཁ་ཆེ་ཕ་ལུའི་བསླབ་བྱ་བཀའ་ཁྲིད་གནང་བ།

༄༅།།  ཇི་ལྟར་སྨན་རྩིས་ཁང་མཐོ་སློབ་ནས་གསོལ་འདེབས་ཞུས་པ་བཞིན་ཕྱི་ལོ་ ༢༠༡༦ ཟླ་ ༡༠ ཚེས་ ༧ ཉིན་སྔ་དྲོ་བདག་ཉིད་ཆེན་པོ་སློབ་དཔོན་ཟམ་གདོང་རིན་པོ་ཆེ་མཆོག་གིས་སྨན་རྩིས་ཁང་གི་ཚོགས་ཁང་དུ་སྨན་རྩིས་མཐོ་སློབ་ཀྱི་དགེ་སློབ་དང་། དེ་བཞིན་སྨན་རྩིས་ཁང་གི་ལས་བྱེད་སོགས་ལ་ཁ་ཆེ་ཕ་ལུའི་འཇིག་རྟེན་ལས་འབྲས་རྩི་ལུགས་ཀྱི་བསླབ་བྱའི་བཀའ་ཁྲིད་གནང་ཞིང་། 

སྐུ་ཞབས་འཇམ་དབྱངས་རྡོ་རྗེས་བརྩམས་པའི་བོད་ཀྱི་ཡིག་གཟུགས་དང་རི་མོའི་སྒྱུ་རྩལ་དང་འབྲེལ་བའི་དཔེ་དེབ་ཀྱི་ཆེད་བརྗོད་ཚུལ་དུ་བྲིས་པ་ཞིག

༄༅།།  མིའི་འགྲོ་བ་ཕྱུགས་ལས་བྱེ་བྲག་འབྱེད་པའི་ཁྱད་ཆོས་གཙོ་བོ་ནི་བློ་ཡི་འགྱེར་བག་ཕན་ཚུན་གསལ་བར་བྱེད་པའི་བརྒྱུད་ལམ་སྨྲ་བརྗོད་སྐད་ཀྱི་རང་བཞིན་འདི་ཡིན་པས།  སྨྲ་ཤེས་དོན་གོ་མིའི་མཚན་ཉིད་ཅེས་གྲགས།  འཇིག་རྟེན་འདིར་ས་ཁུལ་ཐ་དད་དུ་གནས་པའི་མི་ཚོགས་རིགས་རྒྱུད་དང་། ཡུལ་ལུང་མི་འདྲ་བ་སོ་སོར་ཧ་ཅང་མི་འདྲ་བའི་སྐད་ཡིག་སྣ་མང་ཡོད་ཅིང་།  དེ་དག་ཆེད་གཉེར་གྱིས་སློབ་སྦྱོང་བྱེད་ན་ལས། རང་གི་ཕ་སྐད་ལྟར་ལྷན་སྐྱེས་སུ་ཤེས་མི་ཐུབ།  སྨྲ་བརྗོད་སྐད་ཀྱི་རང་བཞིན་ནི་མི་རིགས་མི་འདྲ་བ་སོ་སོའི་ཐུན་མིན་ངོ་སྤྲོད་ཀྱི་མཚོན་རྟགས་འཕྱུག་མེད་ཅིག་ཡིན།  ཡུལ་ལུང་དང་མི་རིགས་གཞི་རྩའི་སྐད་ཡིག་གཅིག་གྱུར་ཡིན་རུང་། 

ྋགོང་ས་ྋསྐྱབས་མགོན་ཆེན་པོའི་གསུང་འཕྲིན་ལ་ཐུགས་རྗེ་ཆེ་ཞུའི་གྲོས་འཆར་ཐོག་བགྲོ་གླེང་གནང་བའི་མཇུག་བསྡོམས་སུ་བཀའ་ཤག་གི་གསལ་བཤད།

༈ སྐབས་ ༡༤ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་པ་ཕྱི་ལོ་ ༢༠༡༠ ཟླ་ ༣ ཚེས་༡༥ ཉིན་ྋགོང་ས་ྋསྐྱབས་མགོན་ཆེན་པོའི་གསུང་འཕྲིན་ལ་ཐུགས་རྗེ་ཆེ་ཞུའི་གྲོས་འཆར་ཐོག་བགྲོ་གླེང་གནང་བའི་མཇུག་བསྡོམས་སུ་བཀའ་ཤག་གི་གསལ་བཤད། ༄༅། །ཆེས་མཆོག་ཏུ་བཀུར་བར་འོས་པའི་མཚུངས་མེད་ཚོགས་གཙོ་མཆོག གྲོས་ཚོགས་ཀྱི་ཡིག་ཆ་ཨང་༧པ་སྤྱི་ནོར་ྋགོང་ས་ྋསྐྱབས་མགོན་ཆེན་པོའི་གསུང་འཕྲིན་རིན་པོ་ཆེ་དང༌། དེ་ལ་ཐུགས་རྗེ་ཆེ་ཞུའི་གྲོས་འཆར་ཡིག་ཆ་ཨང་ ༨ པ་བཅས་ཀྱི་ཐོག་གྲོས་ཚོགས་སུ་གྲོས་བསྡུར་རྒྱུན་རིང་གནང་བའི་མཇུག་བསྡོམསསུ་གསལ་བཤད་ཞུ་རྒྱུའི་གོ་སྐབས་གནང་བར་ཐུགས་རྗེ་ཆེ་ཞུ་རྒྱུ་ཡིན།

ཕྱི་ལོ་ ༢༠༡༣ ཟླ་ ༡ ཚེས་ ༣༠ ཉིན་སྤྱོད་འཇུག་ཆེན་མོ་དང་འབྲེལ་བའི་དོན་གནད་འགའི་ཐད་བཀའ་འདྲི་ཞུས་པའི་བཀའ་ལན།

༄༅།། ཀིརྟིའི་བྱེས་པ་གྲྭ་ཚང་གི་སྤྱི་ཁྱབ་རྩོམ་སྒྲིག་པ་ཆབ་ཚང་འཇམ་དཔལ་གྱིས་ཕྱི་ལོ་ ༢༠༡༣ ཟླ་ ༡ ཚེས་ ༣༠ ཉིན་སྤྱོད་འཇུག་ཆེན་མོ་དང་འབྲེལ་བའི་དོན་གནད་འགའི་ཐད་བཀའ་འདྲི་ཞུས་པའི་བཀའ་ལན། ཐོག་མ། ཟམ་གདོང་རིན་པོ་ཆེས། ངས་སྤྱོད་འཇུག་སློབ་སྦྱོང་ཡག་པོ་བྱས་མ་མྱོང་བས། ཁྱེད་ཚོར་ཐུགས་ཕན་གསོས་པའི་ལན་ཞུ་རྒྱུ་མེད། དེར་བརྟེན་ཁ་སྔོན་ནས་དྲི་བ་དྲིས་ལན་འདི་མི་དགོས་པ་གནང་རོགས་ཞེས་ཞུས་པ་ཡིན། འོན་ཀྱང་ཁྱེད་རྣམ་པས་ཨུ་ནན་གནང་བར་བརྟེན། དྲིས་ལན་གང་ཤེས་ཤིག་ཞུ་རྒྱུའི་འབད་རྩོལ་ཞུ་རྒྱུ་ཡིན།

༈ ཆོས་དུང་དཀར་པོ་ཞེས་པའི་དུས་དེབ་ལ་གནང་བའི་བཅར་འདྲི།

༄༅།། མཁྱེན་དཔྱོད་དང་ལྷག་བསམ་གྱིས་ཕྱུག་པའི་ན་གཞོན་སློབ་གཉེར་བའི་སྡེ་གཅིག་གིས་བོད་ཀྱི་རིག་གནས་ཁག་དང་འབྲེལ་བའི་ཚད་མཐོའི་ཆེད་རྩོམ་བསྡུ་རུབ་ཀྱིས་ “ཆོས་དུང་དཀར་པོ་” ཞེས་པའི་དུས་དེབ་ཁྱད་དུ་འཕགས་པ་ཞིག་ལོ་མང་རིང་འདོན་ཐེངས་མང་པོ་མུ་མཐུད་འགྲེམས་སྤེལ་གྱིས་བོད་མིའི་སྲོལ་རྒྱུན་གྱི་རིག་གཞུང་ལ་གཉན་འཕྲང་ཅན་གྱི་དུས་སྐབས་འདིར་སྲི་ཞུ་བླ་མེད་བསྒྲུབས་འདུག་པར་ཡི་རངས་བསྔགས་བརྗོད་དང་འབྲེལ་ད་ལམ་ཕྲན་ལ་གནང་བའི་དྲི་བ་ཁག་ལ་རང་བློས་གང་ལྕོགས་ཀྱི་དྲིས་ལན་འབུལ་རྒྱུའི་འབད་བརྩོན་ཞུ་རྒྱུ་ཡིན།

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་མཛད་རྣམ་རྩོམ་སྒྲིག་ཚོགས་ཆུང་གིས་དྲི་བ་ཞུས་པར་ལན་འདེབས་གནང་བ་ཁག

དྲི་བ། ༡     བོད་ཀྱི་ལོ་རྒྱུས་ཀྱི་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མི་སྣ་གང་འདྲ་ཞིག་ལ་ངོས་འཛིན་བྱེད་དགོས་སམ། ལན།         བོད་ཀྱི་གཉན་འཕྲང་ཅན་གྱི་དུས་རབས་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ནི་ཆོས་སྲིད་གཉིས་ཐད་ནས་རླབས་ཆེན་མཛད་རྗེས་ཅན་གྱི་སེམས་དཔའ་ཆེན་པོ་ཞིག་ཏུ་ངོས་འཛིན་ཞུ་དགོས།  ལྷག་པར་གཞིས་བཞུགས་བོད་མི་རྣམས་ཀྱི་འདྲེན་མཆོག་དམ་པར་བོད་ས་རང་དུ་གཏན་བཞུགས་ཀྱིས་སྐུ་ངལ་དང་ཉེན་ཁ་དངོས་ཡོད་ཁག་ལ་འཛེམས་ཟོན་དང་ཞུམ་པ་མེད་པར་བོད་མི་རིགས་ཀྱི་གནས་སྐབས་དང་མཐར་ཐུག་གི་མངོན་འདོད་སྒྲུབ་པ་ལ་ལུས་སྲོག་ལོངས་སྤྱོད་གང་ལའང་ཇི་མི་སྙམ་པར་བློས་གཏོང་ཐུབ་པའི་དཔའ་བོ་བོད་ཀྱི་བྱུང་རབས་ནང་འབུར་དུ་དོད་པའི་སྐྱེས་བུ་དམ་པ་ཁོང་གི་སྙིང་སྟོབས་ནི་འབྱུང་འགྱུར་མི་རབས་ཡོངས་ལ་སྐུལ་འདེགས་ཀྱི་ཆ་རྐྱེན་ཞིག་ཏུ་འགྱུར་བ་གདོན་མི་ཟ་ཞིང་།  འཇིག་རྟེན་སྐྱེ་བོ་ཡོངས་ཀྱིས་ཡི་རངས་བསྔགས་བརྗོད་ཞུ་ཡུལ་དང་།  མིག་དཔེ་བལྟ་ས་ཞིག་ཏུ་གྱུར་ཡོད།

ཞབས་བརྟན་གསོལ་འདེབས་བདུད་རྩིའི་བུམ་བཟང་ཞེས་བྱ་བ་བཞུགས་སོ།།

༄༅།།  རྟག་བརྟན་མི་འགྱུར་རྡོ་རྗེའི་དབྱིངས་ཀྱི་ཁམས།།  བཞིན་ལག་མཚན་དཔེའི་ལང་ཚོར་གྲོལ་བའི་གཟིས།།  མཐར་བྱེད་མུན་ཚོགས་བཅོམ་པའི་སྣང་བ་འབུམ།།  སྐལ་ལྡན་གདུལ་བྱའི་གསོས་སུ་འབར་གྱུར་ཅིག།  བསོ༵ད་ནམ༵ས་ཡེ་ཤེས་ཚོགས་གཉིས་རིང་གོམས་པས།།  སྤངས་རྟོགས་མཐར་ཕྱིན་སྐུ་བཞིའི་ནོར་བུའི་མཛོད།།  བདག་གིར་མཛད་པའི་གྲག༵ས་པ༵་ས་གསུམ་ན།།  ཡོངས་ཁྱབ་རྗེ་བཙུན་བླ་མར་གསོལ་བ་འདེབས།།  མཁྱེན་རབ་འོད་རྣོན་ཆ་ཤས་ཕྲ་མོས་ཀྱང་།།  སྐྱེ་རྒུའི་རྨོངས་མུན་ཡོངས་བཅིལ་སྣང་བ་ཡིས།། 

དུད་འགྲོའི་ཆེད་དུ་རྒྱ་གར་ཆིག་བསྒྲིལ་ཞེས་པའི་ལས་འགུལ་མཛད་སྒོར་ལམ་སྟོན་གསུང་བཤད་གནང་བ།

༄༅།། ཕྱི་ལོ་༢༠༡༦ཟླ་ ༩ ཚེས་ ༡༨ ཉིན་ཕྱི་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དུད་འགྲོའི་ཆེད་དུ་རྒྱ་གར་ཆིག་བསྒྲིལ་ཞེས་པའི་ཚོགས་པས་གོ་སྒྲིག་འོག་ལྷ་ཞི་བདེའི་ཚོགས་ཁང་དུ་དུད་འགྲོའི་བདེ་དོན་ཁྲིམས་འཆར་དགོས་འདུན་དང་དུད་འགྲོར་བཀོལ་ཉེས་ལྡོག་པའི་རྒྱ་ཆེའི་འཛམ་གླིང་ལས་འགུལ་ཉིན་མོ་སྲུང་རྩིའི་ཐོག་སྐུ་མགྲོན་གཙོ་བོ་གདན་ཞུས་ཀྱིས་ “དུད་འགྲོར་བྱམས་བརྩེ་དང་དུད་འགྲོའི་བདེ་དོན་ཁྲིམས་འཆར་གཏན་འབེབས་ཛ་དྲག་དགོས་གལ་” ཞེས་པའི་བརྗོད་གཞིའི་ཐོག་གསུང་བཤད་གནང་བ།