སྤྱིར་བཏང་སྤྱི་འཐུས་སྒེར་གྱི་གྲོས་འཆར་ལ་འཛིན་སྐྱོང་ངོས་ནས་གལ་གནད་ཆེན་པོ་བྱུང་ན་མ་གཏོགས་བསམ་ཚུལ་ཞུ་དགོས་པ་མེད་པའི་བཟོ་འདྲ་པོ་ཞིག་ཆགས་ཀྱི་ཡོད། ཡིན་ནའང་འདི་ཆེས་མཐོའི་སློབ་ཡོན་ཚོགས་ཆུང་གི་ལས་དོན་བྱེད་ཕྱོགས་ཤིག་དང་ཐད་དཀར་འབྲེལ་བ་ཡོད་པ་དང༌།
སྤྱི་འཐུས་ཟླ་བ་ཕུན་སྐྱིད་ལགས་ནས། ཕྱི་ལོ་ ༢༠༠༨ ཟླ་ ༡ ཚེས་༡༣ ནས་༡༥ བར་རྒྱ་གར་གྱི་སྲིད་བློན་མན་མོཧན་སིངྷ་མཆོག་རྒྱ་ནག་ལ་གཞུང་འབྲེལ་གཟིགས་བསྐོར་དུ་ཕེབས་པ་དང་འབྲེལ་བའི་དྲི་བ་ཞུ་རྒྱུར། ༡ གཟིགས་བསྐོར་དེས་བོད་དོན་བདེན་མཐའ་གསལ་ཐབས་ལ་ཕན་གནོད་གང་བྱུང་ཡོད་དམ།
བཙན་བྱོལ་བོད་གཞུང་བཀའ་ཤག་གི་རྩིས་ལོ་ ༢༠༠༨།༠༩ ལོའི་སྔོན་རྩིས་གཏམ་བཤད་ཀྱི་ཐོག་ལ་སྤྱི་ཡོངས་བགྲོ་གླེང་གི་ལན་འདེབས་ཆ་ཚང་དཔལ་ལྡན་དཔལ་འབྱོར་བཀའ་བློན་མཆོག་ནས་ད་ལྟ་གནང་གི་རེད། ཡིན་ནའང་དེའི་ནང་ལ་དཔལ་འབྱོར་ལས་ཁུངས་རྐྱང་པ་དང་འབྲེལ་བ་མེད་པའི་བཀའ་ཤག་སྤྱི་ཡོངས་དང་འབྲེལ་བ་ཆགས་པའི་གནས་ཚུལ་ཁ་ཤས་ཤིག་འདུག
སྤྱི་འཐུས་ངག་དབང་ལྷ་མོ་ལགས་ནས། སྲོལ་རྒྱུན་སོ་ནམ་འདེབས་ལས་ཀྱི་ལས་གཞི་དེར་མང་ཚོགས་ནང་བསྔགས་བརྗོད་ཞུ་མཁན་དང༌། སྐྱོན་བརྗོད་བྱེད་མཁན་ཡང་གང་མཚམས་ཞིག་ཡོད་སྟབས་བཀའ་འདྲི་ཞུ་རྒྱུར། ༡ གཞུང་ལ་མང་ཚོགས་ནས་ལེགས་ཉེས་ཀྱི་སྙན་སེང་ཇི་ལྟར་བྱུང་ཡོད་དམ།
གྲོས་འཆར་འདིའི་ཐོག་བགྲོ་གླེང་རིང་པོ་ཞིག་གནང་གྲུབ་པའི་རྗེས་སུ་བཀའ་ཤག་ལ་གསལ་བཤད་ཞུ་རྒྱུའི་གོ་སྐབས་མེད་པར་རྒྱུན་ལས་ལྷན་འཛོམས་གནང་ནས་ལམ་སྟོན་ཟིན་བྲིས་གནང་བ་ཡིན་ན། རང་བཞིན་ཁྲིམས་ལུགས་ཀྱི་ཆ་ནས་དྲང་བདེན་ཞིག་ཡོང་གི་མ་རེད་བསམ་གྱི་ཡོད། གོ་སྐབས་གནང་གི་ཡོད་པ་གཞིར་བཞག་བྱས་པ་ཡིན་ཡང༌། ད་ལྟ་གོ་སྐབས་ཞུ་དགོས་པ་ཆགས་སོང༌།
སྤྱི་འཐུས་ངག་དབང་ལྷ་མོ་ལགས་ནས། ལས་བྱེད་རྣམ་པའི་ཁང་གླར་ལོ་ལྟར་གཞུང་གྲོན་འབོར་ཆེན་འགྲོ་བར་བརྟེན། སྔོན་རྩིས་ཚོད་དཔག་ཚོགས་ཆུང་གི་སྙན་ཐོ་དང༌། དེ་མིན་འབྲེལ་ཡོད་མང་པོས་གཞུང་ནས་ལས་ཤག་གསར་རྒྱག་ཐུབ་ན་དགེ་མཚན་ཆེ་བ་མངོན་གྱི་ཡོད་སྟབས། དེས་ན་འདི་ལོར་གངས་སྐྱིད་ཁུལ་ལས་ཁུངས་དང་ལས་ཤག་གསར་རྒྱག་ཆེད་འགྲོ་གྲོན་སྔོན་རྩིས་ཞུས་འདུག་པ་ནི་དགའ་འོས་སུ་གྱུར། དེ་འབྲེལ་བཀའ་འདྲི་ཞུ་རྒྱུར།
སྤྱི་འཐུས་བསོད་ནམས་སྟོབས་རྒྱས་ལགས་ནས། དུས་ཡུན་གང་ཙམ་ནས་སྲི་ཞུ་བ་ལས་བྱེད་མང་དག་ཅིག་གིས་སྔོན་མ་དང་མི་འདྲ་བར་གཞུང་ཞབས་ནས་རྩ་དགོངས་དང༌། བགྲེས་ཡོལ་སྔ་བསྣུར་ཞུ་བཞིན་ཡོད་པའི་ལབ་གླེང་ཡོད་མུར་ད་དུང་མུ་མཐུད་དེ་ལྟར་ཡོང་བཞིན་ཡིན་འདུག་ན་བཀའ་འདྲི་ཞུ་རྒྱུར།
ལས་རིམ་རྣམ་གཞག་ཅིག་མ་ཞུས་ཐབས་མེད་བྱུང་སོང༌། ྋགོང་ས་ྋསྐྱབས་མགོན་ཆེན་པོའི་བཀའ་རྩ་ཁྱབ་བསྒྲགས་ཀྱི་ལམ་ནས་བཅའ་ཁྲིམས་ཀྱི་འབྲེལ་ཡོད་དོན་ཚན་བསྐྱར་བཅོས་ཕྱིན་ཟིན་པ་ཞིག་རེད། དེ་འདྲ་སོང་ཙང་སླར་ཡང་བཅའ་ཁྲིམས་བསྐྱར་བཅོས་ཀྱི་གྲོས་འཆར་གསར་པ་ཞིག་འདོན་རྒྱུ་དེ་སྒྲིག་གཞི་དང་མཐུན་པ་མ་རེད།
སྤྱི་འཐུས་སྒྲོལ་དཀར་ལྷ་མོ་ལགས་ནས། ༄༅། །རང་གཞུང་མཆོག་ནས་རང་རིགས་མང་ཚོགས་ཀྱི་ཁེ་ཕན་ལ་དམིགས་ཏེ། བོད་རིགས་གནས་ཡུལ་གཞིས་ཆགས་ཁག་གི་མཉམ་འབྲེལ་རྣམས་སྤྱི་མཐུན་མཉམ་འབྲེལ་ཚོགས་པ་ཆེད་བཙུགས་གནང་བ་དང༌། སྔ་རྗེས་ཟབ་སྦྱོང་དང་ལམ་སྟོན་རོགས་ཕན་གནང་བ་མ་ཟད། ལོ་མང་རིང་གཞུང་ལ་ཁེ་ཕན་བྱུང་དང་འབྱུང་བཞིན་པའི་སྒང་ཏོག་བོད་ཀྱི་ཟ་ཁང་སོགས་སྤྱི་མཐུན་མཉམ་འབྲེལ་ཚོགས་པ་ལ་གནང་ཟིན་གྱིས་ལས་གཞི་འགོ་འཛུགས་ཟིན་ཡོད་ན་དོགས་འདྲི་ཞུ་རྒྱུ།