Ngawang

༄༅།།  ༢༠༡༧ ཕྱི་ཟླ་ ༡༢ ཚེས་ ༦ ཉིན་བཞུགས་སྒར་དྷརྨ་ཤཱ་ལཱ་ནས་དིལླཱིར་འབྱོར། ༢༠༡༧ ཕྱི་ཟླ་ ༡༢ ཚེས་ ༧ ནས་ ༩ བར་དིལླཱིར་རྟེན་གཞི་བྱས་པའི་གྲྀཧ་ཞེས་པའི་ཁང་བཀོད་བཟོ་རིག་ཚོགས་པའི་གོ་སྒྲིག་འོག་བི་ཀ་ནེར་ཁང་པའི་ (Bikaner House) ཚོགས་ཁང་དུ་ཉིན་གསུམ་རིང་གི་རྒྱལ་སྤྱིའི་ཁང་བཀོད་བཟོ་རིག་བྱུང་བའི་ཚོགས་ཆེན་ (International Conference on History of Architecture) དུ་ཚོགས་ཞུགས་གནང་བ་མ་ཟད།  ཉིན་དང་པོར་སྙིང་དོན་གསུང་བཤད་ (Keynote Address) ཀྱང་བསྩལ་ཅིང་།  སྐབས་དེར་རྒྱལ་ཁབ་དུ་མ་ནས་གྲགས་ཅན་ཁང་བཀོད་བཟོ་རིག་པ་ཕེབས་ཡོད་འདུག

༄༅།།ཕྱི་ལོ་ ༢༠༡༧ ཟླ་ ༡༢ ཚེས་ ༤ ཉིན་ཕྱེད་ཡོལ་ཆུ་ཚོད་ ༤ ཐོག་བཞུགས་སྒར་གངས་ཅན་སྐྱིད་གཤོངས་སུ་རྟེན་གཞི་བྱས་པའི་བདེ་ལེགས་སྨན་ཁང་གི་ཚོགས་ཁང་དུ་སློབ་དཔོན་ཟམ་གདོང་རིན་པོ་ཆེ་མཆོག་གིས་“བརྗོད་པར་དཀའ་བའི་མི་ཚེའི་ལོ་རྒྱུས། གཞིས་བྱེས་གཉིས་སུ་གཞུང་ས་དགའ་ལྡན་ཕོ་བྲང་གི་ཞབས་ཞུའི་ལས་སྐལ་བྱུང་བ་” ཞེས་བཀའ་ཟུར་ས་འདུ་རིན་ཆེན་དོན་གྲུབ་མཆོག་གི་སྐུ་ཚེའི་ལོ་རྒྱུས་ཀྱི་ཕྱག་དེབ་དབུ་འབྱེད་གནང་བ་མ་ཟད། གསུང་བཤད་ཀྱང་གནང་ཞིང་། དེ་ནི་བོད་ཀྱི་དཔེ་མཛོད་ཁང་གིས་དཔར་སྐྲུན་གནང་བ་ཞིག་ཡིན་འདུག

༄༅།། ༢༠༡༧ ཕྱི་ཟླ་ ༡༢ ཚེས་ ༢ ཉིན་སློབ་དཔོན་ཟམ་གདོང་རིན་པོ་ཆེ་མཆོག་གིས་ཉིན་གསུམ་རིང་གི་ “སངས་རྒྱས་དང་གཱཾདྷཱིའི་ལམ་དང་།  སྒྱུ་རྩལ་དང་ལེགས་བྱང་འདུས་མདོ་ཞེས་པའི་འཇིག་རྟེན་ཞི་བདེའི་ཚོགས་ཆེན་” གྱི་དབུ་འབྱེད་མཛད་སྒོར་གསུང་བཤད་གནང་བ་དང་། དབུ་འབྱེད་མཛད་སྒོའི་ཚོགས་མགོན་དུ་༧གོང་ས་༧སྐྱབས་མགོན་ཆེན་པོ་མཆོག་ཆིབས་བསྒྱུར་བསྐྱངས་ཏེ་བཀའ་སློབ་བསྩལ་ཡོད།

༄༅།།  སློབ་དཔོན་ཟམ་གདོང་རིན་པོ་ཆེ་མཆོག་ ༢༠༡༧ ཕྱི་ཟླ་ ༡༠ ཚེས་ ༡༢ ཉིན་བཞུགས་སྒར་དྷ་ས་ནས་དིལླཱིར་འབྱོར། ༢༠༡༧ ཕྱི་ཟླ་ ༡༠ ཚེས་ ༡༣ ཉིན་ཚོགས་འདུ་འགའ་ཞིག་ཏུ་བཅར་བ་དང་མི་སྣ་མཇལ་མཁན་འགའ་ཞིག་ལ་དུས་ཚོད་གནང་། ༢༠༡༧ ཕྱི་ཟླ་ ༡༠ ཚེས་ ༡༤ ཉིན་སྔ་དྲོ་དིལླཱི་ནས་མེརཋ་ (Meerut) ལ་འབྱོར། དེ་ནས་ཚེས་ ༡༥ བར་ཚེས་ ༡༦ ཉིན་༧གོང་ས་མཆོག་གིས་འཇིག་རྟེན་ཀུན་ཁྱབ་བཟང་སྤྱོད་ (Universal ethics) ཀྱི་སློབ་ཚན་འཆར་གཞི་ (School curriculum) རྒྱ་གར་སློབ་གྲྭ་ཁག་བཅུར་ལག་བསྟར་དབུ་འབྱེད་གནང་རྒྱུའི་ཚོགས་འདུའི་གྲ་སྒྲིག་སྟ་གོན་གནང་།

༄༅།། སློབ་དཔོན་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༡༧ ཟླ་ ༡༡ ཚེས་ ༡ ཉིན་སྔ་དྲོ་དཔལ་ལྡན་སྟོད་རྒྱུད་གྲྭ་ཚང་གིས་གོ་སྒྲིག་ཞུས་པའི་དཔེ་དེབ་ཞུ་སྒྲིག་དང་། གནའ་དེང་དཀར་ཆག་རིག་པའི་སྐོར་ཉིན་ལྔའི་རིང་གི་རྒྱལ་ཡོངས་ཟབ་སྦྱོང་གི་དབུ་འབྱེད་མཛད་སྒོར་སྐུ་མགྲོན་གཙོ་བོ་དང་དེ་བཞིན་ཚོགས་ཐེངས་གཉིས་རིང་གསུང་བཤད་གནང་ཆེད་གདན་ཞུས་ལྟར་ཆེད་ཕེབས་གནང་ཡོད།

༄༅།།  ཕྱི་ལོ་ ༢༠༡༧ ཟླ་ ༡༠ ཚེས་ ༥ ཉིན་གྱི་དགོང་དྲོའི་ཆུ་ཚོད་ ༧ པ་ཙམ་ལ་དྷ་རམ་ས་ལའི་པེ་ཝི་ལི་ཡོན་གསོལ་མགྲོན་ཁང་ (Hotel Pavilion)  དུ་ལྔ་དང་ལྔ་བཅུའི་འཆར་སྣང་གི་ལྷན་ཚོགས་ཆེད་ཚོགས་བཅར་བ་རྣམས་ལ་བཤམས་པའི་གསོལ་སྟོན་མཛད་སྒོའི་ཐོག་སློབ་དཔོན་ཟམ་གདོང་རིན་པོ་ཆེ་མཆོག་གིས།  ད་ལྟའི་བོད་ནང་གི་ཛ་དྲག་གནས་སྟངས་དང་། འབྱུང་འགྱུར་བོད་མིའི་འཐབ་རྩོད་ཀྱི་རྣམ་པར་གཟིགས་སྟངས།  

༄༅།།  སློབ་དཔོན་ཟམ་གདོང་རིན་པོ་ཆེ་མཆོག་ ༢༠༡༧ ཕྱི་ཟླ་ ༩ ཚེས་ ༢༠ ཉིན་དྷརྨ་ཤཱ་ལཱ་ནས་ཕེབས་ཐོན་གྱིས་དིལླཱི་དང་།  དེ་ནས་ ༢༠༡༧ ཕྱི་ཟླ་ ༩ ཚེས་ ༢༡ ཉིན་ཅེནྣཨི་ (Chennai) ལ་འབྱོར།

༄༅།།  སློབ་དཔོན་ཟམ་གདོང་རིན་པོ་ཆེ་མཆོག་ ༢༠༡༧ ཕྱི་ཟླ་ ༩ ཚེས་ ༥ ཉིན་དྷརྨ་ཤཱ་ལཱ་ནས་ཕེབས་ཐོན་གྱིས་དིལླཱིར་ཕྱི་ཚེས་ ༦ དང་ ༧ ཉིན་གཉིས་རིང་ཨཡུརྫྙཱན་ཐེབས་རྩའི་ (Ayur Gyan Trust) ཚོགས་འདུ་ཁག་ཏུ་ཞུགས་རྗེས།  ཕྱི་ཚེས་ ༨ ཉིན་སྔ་དྲོ་མེ་འཁོར་ཐོག་ཕེབས་ཐོན་གྱིས་དེཧརཱ་དཱུན་མེ་འཁོར་འབབ་ཚུགས་སུ་འབྱོར་སྐབས་བདེ་སྐྱིད་གླིང་ས་གནས་འགོ་འཛིན་དང་། མ་སཱུ་རཱི་བོད་ཁྱིམ་གྱི་སྤྱི་ཁྱབ་དྲུང་ཆེ་དང་དྲུང་ཆེའི་ལས་རོགས། དེ་བཞིན་བོད་མིའི་སྤྱི་ཚོགས་ཀྱི་གནད་ཡོད་མི་སྣ་མང་ཙམ་ཕེབས་བསུར་བཅར་འདུག

༄༅།།  ༢༠༡༧ ཕྱི་ཟླ་ ༨ ཚེས་ ༣ ཉིན་བཞུགས་སྒར་དྷརྨཤཱལཱ་ནས་དིལླཱིའི་བརྒྱུད་ཚེས་ ༤ སྔ་དྲོ་ལྷོ་ཀོ་རི་ཡའི་སི་འོལ་ཨིན་ཆི་ཡོན་རྒྱལ་སྤྱིའི་གནམ་ཐང་ (Seoul Incheon International Airport) དུ་འབྱོར་སྐབས་བསླབ་གསུམ་བཤད་སྒྲུབ་གླིང་གི་དགེ་བཤེས་ནམ་མཁའ་ལགས་ནས་ཕེབས་བསུས་ཀྱིས་གིམ་པོ་གནམ་ཐང་ (Gimpo airport) དུ་ཕེབས་སྐྱེལ་ཞུས། དེ་ནས་སླར་ཡང་འཕུར་བསྐྱོད་ཀྱིས་ཉིན་གུང་ཙམ་ལ་ཨུལ་སན་ (Ulsan) གནམ་ཐང་དུ་འབྱོར་སྐབས་དེ་ཁུལ་ནང་པ་རྣམས་ཀྱིས་ཕེབས་བསུས་ཀྱིས་གིལ་སང་དགོན་པར་ (Gil sang sa) ཕེབས་འབྱོར་བྱུང་།