བསྟན་འཛིན་ཆོས་དབྱིངས། ལོ་༡༥ དཔེ་སྟོན་སློབ་གྲྭ། སྐད་ཡིག་ལ་སོགས་ཡོན་ཏན་བརྩོན་པས་སྦྱངས།། ལྷད་མེད་ཚུལ་ཁྲིམས་སྲོག་བཞིན་ལེགས་པར་འཛིན།། འཇིག་རྟེན་སྡུག་བསྔལ་བཟོད་པས་བག་ཡོད་ཀྱི།། སེམས་རྒྱུད་བཅོས་པའི་རྒྱབ་རི་སྨུག་པོ་ལགས།།

མིང་། བསྟན་འཛིན་ལྷ་བུ། རང་ལོ་ ༡༥ དཔེ་སྟོན་སློབ་གྲྭ བོད་མིའི་བདེ་སྡུག་སེལ་མཁན་དཔེ་སྟོན་ཡབ་ཆེན་ལགས།། ཤེས་ཡོན་དོ་ར་ཆུང་ཆུང་ཁྱེད་ཀྱིས་གསར་དུ་བསྐྲུན།། ཤེས་ཡོན་སྲིད་བྱུས་དགོངས་དོན་བསྒྲུབ་པར་ཁྱེད་ཀྱིས་སྨོན།། དེ་རིང་ཁྱེད་ཀྱི་འཁྲུངས་སྐར་བཀྲ་ཤིས་འཚམས་འདྲིས་བསུ།།

བུ་མོ་བསྟན་འཛིན་ལྷག་པ། འཛིན་གྲྭ། བཅུ་པ། ལོ་༡༥ དཔེ་སྟོན་སློབ་གྲྭ། ཁྱེད་ནི་དཔེ་སྟོན་སློབ་གྲྭའི་ཡབ་ཆེན་ཡིན།། ཁྱེད་ནི་རིག་གཞུང་ཞིག་གི་བང་མཛོད་ཡིན།། ཁྱེད་ནི་བཙན་བྱོལ་བོད་མིའི་རེ་བ་ཡིན།། དེ་རིང་བུ་མོས་ཁྱེད་ལ་འཚམས་འདྲི་ཞུ།།

བསྟན་འཛིན་ལུང་རིག རང་ལོ་ ༡༥ དཔེ་སྟོན་སློབ་གྲྭ ཁ་དོག་སྔོ་བའི་གོ་ལ་རིལ་པོའི་ནང་།། སྣ་ཁ་འཛོམས་པའི་མི་རིགས་འདྲ་མིན་གནས།། རླབས་ཆེན་ཁྱེད་དང་འགྲན་པ་ཅི་ཡང་མེད།། རང་ཡུལ་ཆེད་དུ་བྱས་རྗེས་བཞག་པ་རྨད།།

བསྟན་འཛིན་ཤེས་རབ། ལོ་ ༡༥འཛིན་གྲྭ་བཅུ་པ། དཔེ་སྟོན་སློབ་གྲྭ ཞོགས་པའི་ནམ་མཁའ་རུ་བྱིའུ་རྣམས་གང་འདོད་དུ་འཕུར་བ་དང། སྙན་འཛོམས་ཀྱི་གླུ་དབྱངས་ལེན་པ་ནི་མི་རྣམས་ལ་བཀྲ་ཤིས་བདེ་ལེགས་ཞུ་བ་དང་མཚུངས། ཞོགས་པའི་བསེར་བུའི་ཁྲོད་བུ་ཆུང་ང་རང་དགའ་སྐྱིད་ལྡན་པའི་གླུ་དབྱངས་ལེན་བཞིན།

བསྟན་འཛིན་ཚེ་བརྟན་ཆེ་བ། རང་ལོ་ ༡༥ འཛིན་གྲྭ་བཅུ་པ། དཔེ་སྟོན་སློབ་གྲྭ ན་ཆུང་ང་ཚོའི་སྐྱབས་གཅིག་དཔེ་སྟོན་ཡབ་ཆེན་ལགས།། བཙན་བྱོལ་བོད་མིའི་སེམས་ཀྱི་ཉི་མ་སེར་པོ་ཁྱེད།། དེ་རིང་སྐུ་ཡི་འཁྲུངས་སྐར་ཉིན་མོ་བཟང་པོ་འདིར།། ན་ཆུང་ང་ཡིས་ཁྱེད་ལ་བཀྲ་ཤིས་བདེ་ལེགས་ཞུ།།

བསྟན་འཛིན་ཚེ་བརྟན་ཆུང་བ། ལོ་ ༡༤ འཛིན་གྲྭ་བཅུ་པ། དཔེ་སྟོན་སློབ་གྲྭ ཤེས་ཡོན་སྲིད་བྱུས་ལམ་བཟང་གསར་པ་བཏོད།། བདེ་འཇགས་ལྡན་པའི་སློབ་གྲྭ་བཟོ་སྐྲུན་གནང།། ལམ་ཆུང་དོག་པོའི་སྡུག་བསྔལ་སེལ་མཁན་ནི།། མི་རྗེ་ཟམ་གདོང་མཆོག་ལས་སུ་ཞིག་ཡོད།།

སྐྱོན་བརྗོད་བྱ་ཡུལ་ངོས་འཛིན་དགོས་པ་དང༌། སྐྱོན་བརྗོད་ལ་གདོང་ལེན་ཇི་ལྟར་གནང་ཕྱོགས། ང་ཚོ་གྲོས་ཚོགས་གསར་པ་མང་གཙོའི་རིང་ལུགས་གསར་པའི་ནང་གོམ་པ་རྒྱག་བཞིན་པ་ཡིན་སྟབས་དཀའ་ངལ་ཡོང་གི་ཡོད། བསམ་བློའི་དཀའ་ངལ་ཡོད་རེད།

སྐབས་བཅུ་གཅིག་པའི་སྤྱི་འཐུས་ཀྱི་ལས་དོན་འགོ་ཚུགས་པ་ནས་བཟུང་ཁྲིམས་ཀྱི་ལམ་སྲོལ་གྱི་དབང་བསྒྱུར་བརྟན་པོ་ཡོང་ཆེད་འབད་བརྩོན་བྱས་པ་རེད། དེ་གང་ཡིན་ཞེ་ན། ང་ཚོས་བཅའ་ཁྲིམས་གཏན་འབེབས་ཀྱིས་མང་གཙོའི་ལམ་ཡང་དག་པ་ཞིག་ལ་འགྲོ་རྒྱུའི་ཐག་གཅོད་བྱས་པ་ཡིན་ཙང་ཁྲིམས་ཀྱི་དབང་བསྒྱུར་མེད་དུ་མི་རུང་བ་རེད།