༄༅།།  མིའི་འགྲོ་བ་ཕྱུགས་ལས་བྱེ་བྲག་འབྱེད་པའི་ཁྱད་ཆོས་གཙོ་བོ་ནི་བློ་ཡི་འགྱེར་བག་ཕན་ཚུན་གསལ་བར་བྱེད་པའི་བརྒྱུད་ལམ་སྨྲ་བརྗོད་སྐད་ཀྱི་རང་བཞིན་འདི་ཡིན་པས།  སྨྲ་ཤེས་དོན་གོ་མིའི་མཚན་ཉིད་ཅེས་གྲགས།  འཇིག་རྟེན་འདིར་ས་ཁུལ་ཐ་དད་དུ་གནས་པའི་མི་ཚོགས་རིགས་རྒྱུད་དང་། ཡུལ་ལུང་མི་འདྲ་བ་སོ་སོར་ཧ་ཅང་མི་འདྲ་བའི་སྐད་ཡིག་སྣ་མང་ཡོད་ཅིང་།  དེ་དག་ཆེད་གཉེར་གྱིས་སློབ་སྦྱོང་བྱེད་ན་ལས། རང་གི་ཕ་སྐད་ལྟར་ལྷན་སྐྱེས་སུ་ཤེས་མི་ཐུབ།  སྨྲ་བརྗོད་སྐད་ཀྱི་རང་བཞིན་ནི་མི་རིགས་མི་འདྲ་བ་སོ་སོའི་ཐུན་མིན་ངོ་སྤྲོད་ཀྱི་མཚོན་རྟགས་འཕྱུག་མེད་ཅིག་ཡིན།  ཡུལ་ལུང་དང་མི་རིགས་གཞི་རྩའི་སྐད་ཡིག་གཅིག་གྱུར་ཡིན་རུང་། 

༈ སྐབས་ ༡༤ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་པ་ཕྱི་ལོ་ ༢༠༡༠ ཟླ་ ༣ ཚེས་༡༥ ཉིན་ྋགོང་ས་ྋསྐྱབས་མགོན་ཆེན་པོའི་གསུང་འཕྲིན་ལ་ཐུགས་རྗེ་ཆེ་ཞུའི་གྲོས་འཆར་ཐོག་བགྲོ་གླེང་གནང་བའི་མཇུག་བསྡོམས་སུ་བཀའ་ཤག་གི་གསལ་བཤད། ༄༅། །ཆེས་མཆོག་ཏུ་བཀུར་བར་འོས་པའི་མཚུངས་མེད་ཚོགས་གཙོ་མཆོག གྲོས་ཚོགས་ཀྱི་ཡིག་ཆ་ཨང་༧པ་སྤྱི་ནོར་ྋགོང་ས་ྋསྐྱབས་མགོན་ཆེན་པོའི་གསུང་འཕྲིན་རིན་པོ་ཆེ་དང༌། དེ་ལ་ཐུགས་རྗེ་ཆེ་ཞུའི་གྲོས་འཆར་ཡིག་ཆ་ཨང་ ༨ པ་བཅས་ཀྱི་ཐོག་གྲོས་ཚོགས་སུ་གྲོས་བསྡུར་རྒྱུན་རིང་གནང་བའི་མཇུག་བསྡོམསསུ་གསལ་བཤད་ཞུ་རྒྱུའི་གོ་སྐབས་གནང་བར་ཐུགས་རྗེ་ཆེ་ཞུ་རྒྱུ་ཡིན།

༄༅།། ཀིརྟིའི་བྱེས་པ་གྲྭ་ཚང་གི་སྤྱི་ཁྱབ་རྩོམ་སྒྲིག་པ་ཆབ་ཚང་འཇམ་དཔལ་གྱིས་ཕྱི་ལོ་ ༢༠༡༣ ཟླ་ ༡ ཚེས་ ༣༠ ཉིན་སྤྱོད་འཇུག་ཆེན་མོ་དང་འབྲེལ་བའི་དོན་གནད་འགའི་ཐད་བཀའ་འདྲི་ཞུས་པའི་བཀའ་ལན། ཐོག་མ། ཟམ་གདོང་རིན་པོ་ཆེས། ངས་སྤྱོད་འཇུག་སློབ་སྦྱོང་ཡག་པོ་བྱས་མ་མྱོང་བས། ཁྱེད་ཚོར་ཐུགས་ཕན་གསོས་པའི་ལན་ཞུ་རྒྱུ་མེད། དེར་བརྟེན་ཁ་སྔོན་ནས་དྲི་བ་དྲིས་ལན་འདི་མི་དགོས་པ་གནང་རོགས་ཞེས་ཞུས་པ་ཡིན། འོན་ཀྱང་ཁྱེད་རྣམ་པས་ཨུ་ནན་གནང་བར་བརྟེན། དྲིས་ལན་གང་ཤེས་ཤིག་ཞུ་རྒྱུའི་འབད་རྩོལ་ཞུ་རྒྱུ་ཡིན།

༄༅།། མཁྱེན་དཔྱོད་དང་ལྷག་བསམ་གྱིས་ཕྱུག་པའི་ན་གཞོན་སློབ་གཉེར་བའི་སྡེ་གཅིག་གིས་བོད་ཀྱི་རིག་གནས་ཁག་དང་འབྲེལ་བའི་ཚད་མཐོའི་ཆེད་རྩོམ་བསྡུ་རུབ་ཀྱིས་ “ཆོས་དུང་དཀར་པོ་” ཞེས་པའི་དུས་དེབ་ཁྱད་དུ་འཕགས་པ་ཞིག་ལོ་མང་རིང་འདོན་ཐེངས་མང་པོ་མུ་མཐུད་འགྲེམས་སྤེལ་གྱིས་བོད་མིའི་སྲོལ་རྒྱུན་གྱི་རིག་གཞུང་ལ་གཉན་འཕྲང་ཅན་གྱི་དུས་སྐབས་འདིར་སྲི་ཞུ་བླ་མེད་བསྒྲུབས་འདུག་པར་ཡི་རངས་བསྔགས་བརྗོད་དང་འབྲེལ་ད་ལམ་ཕྲན་ལ་གནང་བའི་དྲི་བ་ཁག་ལ་རང་བློས་གང་ལྕོགས་ཀྱི་དྲིས་ལན་འབུལ་རྒྱུའི་འབད་བརྩོན་ཞུ་རྒྱུ་ཡིན།

དྲི་བ། ༡     བོད་ཀྱི་ལོ་རྒྱུས་ཀྱི་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མི་སྣ་གང་འདྲ་ཞིག་ལ་ངོས་འཛིན་བྱེད་དགོས་སམ། ལན།         བོད་ཀྱི་གཉན་འཕྲང་ཅན་གྱི་དུས་རབས་ནང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ནི་ཆོས་སྲིད་གཉིས་ཐད་ནས་རླབས་ཆེན་མཛད་རྗེས་ཅན་གྱི་སེམས་དཔའ་ཆེན་པོ་ཞིག་ཏུ་ངོས་འཛིན་ཞུ་དགོས།  ལྷག་པར་གཞིས་བཞུགས་བོད་མི་རྣམས་ཀྱི་འདྲེན་མཆོག་དམ་པར་བོད་ས་རང་དུ་གཏན་བཞུགས་ཀྱིས་སྐུ་ངལ་དང་ཉེན་ཁ་དངོས་ཡོད་ཁག་ལ་འཛེམས་ཟོན་དང་ཞུམ་པ་མེད་པར་བོད་མི་རིགས་ཀྱི་གནས་སྐབས་དང་མཐར་ཐུག་གི་མངོན་འདོད་སྒྲུབ་པ་ལ་ལུས་སྲོག་ལོངས་སྤྱོད་གང་ལའང་ཇི་མི་སྙམ་པར་བློས་གཏོང་ཐུབ་པའི་དཔའ་བོ་བོད་ཀྱི་བྱུང་རབས་ནང་འབུར་དུ་དོད་པའི་སྐྱེས་བུ་དམ་པ་ཁོང་གི་སྙིང་སྟོབས་ནི་འབྱུང་འགྱུར་མི་རབས་ཡོངས་ལ་སྐུལ་འདེགས་ཀྱི་ཆ་རྐྱེན་ཞིག་ཏུ་འགྱུར་བ་གདོན་མི་ཟ་ཞིང་།  འཇིག་རྟེན་སྐྱེ་བོ་ཡོངས་ཀྱིས་ཡི་རངས་བསྔགས་བརྗོད་ཞུ་ཡུལ་དང་།  མིག་དཔེ་བལྟ་ས་ཞིག་ཏུ་གྱུར་ཡོད།

༄༅།།  རྟག་བརྟན་མི་འགྱུར་རྡོ་རྗེའི་དབྱིངས་ཀྱི་ཁམས།།  བཞིན་ལག་མཚན་དཔེའི་ལང་ཚོར་གྲོལ་བའི་གཟིས།།  མཐར་བྱེད་མུན་ཚོགས་བཅོམ་པའི་སྣང་བ་འབུམ།།  སྐལ་ལྡན་གདུལ་བྱའི་གསོས་སུ་འབར་གྱུར་ཅིག།  བསོ༵ད་ནམ༵ས་ཡེ་ཤེས་ཚོགས་གཉིས་རིང་གོམས་པས།།  སྤངས་རྟོགས་མཐར་ཕྱིན་སྐུ་བཞིའི་ནོར་བུའི་མཛོད།།  བདག་གིར་མཛད་པའི་གྲག༵ས་པ༵་ས་གསུམ་ན།།  ཡོངས་ཁྱབ་རྗེ་བཙུན་བླ་མར་གསོལ་བ་འདེབས།།  མཁྱེན་རབ་འོད་རྣོན་ཆ་ཤས་ཕྲ་མོས་ཀྱང་།།  སྐྱེ་རྒུའི་རྨོངས་མུན་ཡོངས་བཅིལ་སྣང་བ་ཡིས།། 

༄༅།།  ཨོཾསྭསྟི། ཀུན་ཁྱབ་ཀུན་བྱེད་སྤྲོས་བྲལ་གཉུག་མའི་གཤིས།། ཤེས་དང་ཤེས་བྱའི་སྒྱུ་འཕྲུལ་རབ་འབྱམས་སྤྲིན།། རྣམ་མང་རྣམ་པར་སྤྲོ་དང་བསྡུ་བའི་མགོན།། རིགས་ཀུན་རིགས་ཀྱི་བདག་པོས་ཤིས་པ་སྩོལ།།  ཐུབ༵་བསྟན༵་བཤད་སྒྲུབ་བྱ་བས་ལེགས་འཛིན་པའི།། སྙ༵ན་གྲགས༵་ས་གསུམ་ཁྱོན་ལས་ཡོངས་བརྒལ་ཞིང་།། ཆོས༵་ཀྱི༵་ཡང་སྙིང་ཟབ་གསང་ཡིད་བཞིན་ནོར།། རྒྱ༵ལ་མཚ༵ན་རྩེར་མཆོད་འགྲོ་ལ་ཕན་བདེ་སྦྱིན།།  གང་གི་འཕྲིན་ལས་བསམ་མི་ཁྱབ་པའི་རླབས།། མཐའ་ཡས་འགྲོ་ཁམས་རྒྱ་མཚོའི་རྗེས་གཡོ་བ།།