༄༅།། སློབ་དཔོན་ཟམ་གདོང་རིན་པོ་ཆེ་མཆོག་གིས་ ༢༠༡༧ ཕྱི་ཟླ་ ༥ ཚེས་ ༣ ཉིན་༧གོང་ས་༸སྐྱབས་མགོན་ཆེན་པོ་མཆོག་གི་རང་རྣམ་ ”བཙན་བྱོལ་ནང་གི་རང་དབང་” ཞེས་པའི་དཔེ་དེབ་ཨིན་ཡིག་ལས་བོད་བསྒྱུར་ཞུས་པ་དེ་དབུ་འབྱེད་གནང་ཡོད།   

༄༅།།  ༢༠༡༧ ཕྱི་ཟླ་ ༤ ཚེས་ ༡༡ ཉིན་སློབ་དཔོན་ཟམ་གདོང་རིན་པོ་ཆེ་མཆོག་བཞུགས་སྒར་དྷ་ས་ནས་དིལླཱིར་ཕེབས་འབྱོར་གྱིས་ཚེས་ ༡༢ ཉིན་སྔོན་ནས་དུས་ཚོད་བཟོས་པའི་མི་སྣ་འགའ་ཞིག་དང་མཇལ་འཕྲད་གནང་རྗེས་ཚེས་ ༡༣ ཉིན་སྦེང་ལོར་དུ་རྒྱ་གར་གྱི་ཀྲྀཥྞམཱུརྟི་ཐེབས་རྩ་ཁང་དུ་༧ཞབས་སོར་བཀོད།

༄༅།། ཇི་ལྟར་དཔལ་ལྡན་རྒྱུད་སྟོད་གྲྭ་ཚང་གི་མཁན་བླ་འདུས་མང་ཡོངས་ནས་གསོལ་བ་བཏབ་པ་བཞིན་༧སྐྱབས་རྗེ་སློབ་དཔོན་ཟམ་གདོང་རིན་པོ་ཆེ་མཆོག་གིས་ ༢༠༡༧ ཕྱི་ཟླ་ ༣ ཚེས་ ༡༦ ནས་ ༣༠ བར་ཉིན་གྲངས་ ༡༥ རིང་རྗེ་བཙུན་ཤེས་རབ་རྒྱ་མཚོ་དཔལ་བཟང་པོས་མཛད་པའི་འདུས་པ་འཕགས་ལུགས་ལྷ་སོ་གཉིས་པའི་ལམ་རིམ་པ་གཉིས་ཀྱི་ཁྲིད་དམིགས་བརྗེད་བྱང་མི་བསྐྱོད་མགོན་པོའི་ཞལ་ལུང་གི་ལྗགས་ལུང་དང་བཀའ་ཁྲིད་བསྐྱངས་ཤིང་། དེའང་ཉིན་དང་པོར་བཀའ་ཁྲིད་དབུ་འཛུགས་བསྐྱང་རྒྱུའི་སྔོན་འགྲོར་ལམ་སྤྱི་

༄༅།།  ༢༠༡༧ ཕྱི་ཟླ་ ༣ ཚེས་ ༧ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དྷ་སྟེང་བོད་ཁྱིམ་སློབ་གྲྭའི་སློབ་དུས་དབུ་འཛུགས་ཉིན་མོར་གདན་ཞུས་ཀྱིས་སློབ་སྦྱོང་གི་དགོས་དམིགས་དང་འབྲེལ་བའི་ཐོག་ལམ་སྟོན་གསུང་བཤད་གནང་སོང་།

༄༅།། ༢༠༡༧ ཕྱི་ཟླ་ ༣ ཚེས་ ༦ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་གིས་དྷ་སྟེང་བོད་ཁྱིམ་སློབ་གྲྭའི་སློབ་དུས་འགོ་འཛུགས་ཉིན་གྱི་ལས་བྱེད་རྒྱུས་སྟོན་མཛད་སྒོར་དེ་གའི་དགེ་རྒན་དང་ལས་བྱེད་རྣམས་ལ་ཆོས་ལུགས་དང་མ་འདྲེས་པའི་བཟང་སྤྱོད་ཐོག་གསུང་བཤད་ཟབ་རྒྱས་གནང་ཡོད་པ་རེད།  

༄༅།།  ༢༠༡༧ ཕྱི་ཟླ་ ༢ ཚེས་ ༡༩ ཉིན་སྔ་དྲོ་སློབ་དཔོན་ཟམ་གདོང་རིན་པོ་ཆེ་མཆོག་དྷརྨཤཱལཱ་ནས་ཕེབས་ཐོན་གྱིས་ཉིན་རྒྱབ་ཏུ་གྲོང་ཁྱེར་ཅཎྜཱིགཌྷ་ (Chandigarh) རུ་འབྱོར།  ཕྱི་དྲོ་ལ་དྭགས་ཀྱི་བྱང་ཆུབ་ཆེན་པོ་རྒྱལ་སྤྱིའི་སྒོམ་ཁང་ (Mahabodhi International Meditation Centre, Ladakh)

༢༠༡༧ ཕྱི་ཟླ་ ༡ ཚེས་ ༣༡ ཉིན་ཅེནྣཨཱི་ནས་དིལླཱིར་འབྱོར།  ཕྱི་ཟླ་ ༢ ཚེས་ ༡ ལ་ཚེའི་རིག་བྱེད་དགེ་རྩའི་འགན་འཛིན་ལྷན་ཚོགས་ (Governing Body meeting of the Ayur Gyan Nyas) སུ་ཞུགས།  ཚེས་ ༢ ཉིན་སྔ་དྲོ་༧གོང་ས་༧སྐྱབས་མགོན་ཆེན་པོ་མཆོག་དྷ་ས་ནས་ཕེབས་འབྱོར་སྐབས་ཕེབས་བསུར་བཅར། 

༄༅།།  སློབ་དཔོན་ཟམ་གདོང་རིན་པོ་ཆེ་མཆོག་ ༢༠༡༧ ཕྱི་ཟླ་ ༡ ཚེས་ ༢༦ ཉིན་དྷ་རྨ་ཤཱ་ལཱ་ནས་ཕེབས་ཐོན་གྱིས་དིལླཱིའི་བརྒྱུད་ ༢༠༡༧ ཕྱི་ཟླ་ ༡ ཚེས་ ༢༧ ཉིན་རྒྱ་གར་ལྷོ་ཕྱོགས་ཀྱི་གྲོང་ཁྱེར་ཅེནྣཨཱི་ (Chennai) ལ་འབྱོར།  ཚེས་ ༢༨ དང་ ༢༩ ཉིན་གཉིས་རིང་རྒྱ་གར་གྱི་ཀྲྀཥྞམཱུརྟིའི་དགེ་རྩའི་འགན་འཛིན་ལྷན་ཚོགས་ (The Governing Body Meeting of Krishnamurti Foundation of India) སུ་ཞུགས། 

༄༅།།  ༢༠༡༦ ཕྱི་ཟླ་ ༡༢ ཚེས་ ༣༡ ཉིན་སྔ་དྲོ་སློབ་དཔོན་ཟམ་གདོང་རིན་པ་ཆེ་མཆོག་ནཱག་པུར་ནས་ཐོན་ཏེ་དིལླཱི་དང་པཊནཱ་བརྒྱུད་གནས་མཆོག་རྡོ་རྗེ་གདན་དུ་༧ཞབས་སོར་བདེ་བར་འཁོད་ཅིང་། ༢༠༡༧ ཕྱི་ཟླ་ ༡ ཚེས་ ༢ ཉིན་སྔ་དྲོ་༧གོང་ས་༧སྐྱབས་མགོན་ཆེན་པོས་སློབ་མ་རྗེས་འཛིན་གྱི་ཆོས་སྒོར་ཞུགས།