བོད་ཀྱི་རྒྱལ་ཡོངས་མང་གཙོ་ཚོགས་པ་དབུ་བརྙེས་ནས་མི་ལོ་ ༢༠ འཁོར་བའི་མཛད་སྒོར་གནང་བའི་གསུང་བཤད།

ཕྱི་ལོ་ ༢༠༡༤ ཟླ་ ༩ ཚེས་ ༣ ཉིན་དྷརྨ་ས་ལའི་བོད་ཀྱི་ཟློས་གར་ཚོགས་ཁང་དུ་བོད་ཀྱི་རྒྱལ་ཡོངས་མང་གཙོ་ཚོགས་པ་དབུ་བརྙེས་ནས་མི་ལོ་ ༢༠ འཁོར་བའི་དུས་སྟོན་མཛད་སྒོའི་ཐོག་སྐུ་མགྲོན་གཙོ་བོར་མཁས་དབང་སློབ་དཔོན་ཟམ་གདོང་རིན་པོ་ཆེ་མཆོག་གདན་ཞུ་གནང་བ་ལྟར།

བོད་མི་མང་སྤྱི་འཐུས་སྐབས་བཅུ་གཉིས་པའི་མཇུག་བསྡོམས་གསུང་བཤད།

ཞར་བྱུང་ལ་དེ་རིང་གྲོས་ཚོགས་འདི་དང༌། ལྷག་པར་དུ་འདས་པའི་ཉི་མ་གཅིག་གཉིས་ནང་སྤྱི་འཐུས་རྣམ་པས་བགྲོ་གླེང་ཐོག་བཀའ་བསྡུར་གནང་སྟངས་དེ་ཚིག་འདྲ་མིན་སྣ་ཚོགས་བེད་སྤྱོད་བཏང་བ་དང༌། སྐབས་དང་གྲོས་གཞིར་འབྲེལ་བ་མེད་པ་དེ་ཚོར་ཤུགས་ཆེན་པོས་བཏང་འཛིན་ཞུས་མེད། གང་ཡིན་ཞེ་ན། འདི་ཚོགས་དུས་མཐའ་མ་དེ་ཡིན་སྟབས།

གཟིགས་གཟོས་ལ་གཟིགས་གསོལ་ཞེས་བཟོ་དགོས་ཚུལ།

ཡི་གེ་དག་ཆའི་ཐོག་ལ་ལག་པ་བརྐྱངས་ནས་མང་མོས་བསྡུས་པའི་ལུགས་སྲོལ་ཡོད་མ་རེད། དེ་ནི་བརྡ་སྤྲོད་ཀྱི་གཞུང་ལ་གཏུགས་ནས་འགྲོ་རྒྱུ་ཞིག་རེད། ད་ལྟ་བཅའ་ཁྲིམས་ཀྱི་སྒྲིག་གཞི་བསྐྱར་བཅོས་ཀྱི་གྲོས་འཆར་ཟིན་བྲིས་སླེབས་པའི་སྐབས་ལ་ཚོགས་གཙོའི་ངོས་ནས་ཞིབ་འཇུག་གནང་སྟེ་གཟིགས་གཟོས་དང་གཟིགས་གསོལ་གཉིས་ཀྱི་ནང་ནས་གཟིགས་གསོལ་འདི་སྟབས་བདེ་བའི་དབང་གིས་གསོལ་ཞེས་བཞག་ཡོད་རེད།

Secular ཚིག་གི་གོ་དོན་འགྲེལ་ཕྱོགས།

སྐབས་འདིར་ཚོགས་གཙོས་སྟོང་པའི་དུས་ཚོད་ཅིག་བླངས་ཏེ་ཟུར་བརྗོད་ཁ་ཤས་ཤིག་བྱ་འདོད་བྱུང༌། ད་རང་སྟོང་པའི་དུས་ཚོད་སྐབས་སུ་བཀུར་འོས་སྤྱི་འཐུས་གཅིག་གིས་དབྱིན་ཇིའི་སྐད་དུ་ Secular ཞེས་པའི་བོད་སྐད་དུ་ཆོས་མེད་ལ་གོ་གི་ཡོད་རེད་ཅེས་གསུངས་པ་ལྟ་བུ་བྱུང་སོང༌།

གྲོས་ཚོགས་ཀྱི་ཁང་ཁུངས་རྣམས་ཀྱི་སྐོར།

སྤྱི་ཡོངས་མང་གཙོའི་རིང་ལུགས་དང་ལྡན་པའི་གྲོས་ཚོགས་ཁག་གི་འགྲོ་སྟངས་ཀྱི་ཆ་ནས་གྲོས་ཚོགས་ལ་དགོས་ངེས་ཅན་གྱི་ཁང་ཁུངས་ཇི་ཙམ་དགོས་སྐོར་རྒྱལ་ཁབ་ཁ་ཤས་ཀྱི་རྩ་ཁྲིམས་ནང་དུའང་གསལ་ཡོད། གལ་ཏེ་མ་གསལ་ནའང་ལམ་ལུགས་སྲོལ་རྒྱུན་ཞིག་གི་ཐོག་ནས་གྲོས་ཚོགས་ལ་ངེས་པར་དུ་དགོས་པའི་ཁང་ཁུངས་རྣམས་གཏན་ལ་ཕབ་སྟེ་ཡོད་བསྡད་པ་ཞིག་རེད།

བོད་ཀྱི་རྒྱལ་དར་དང༌། རྒྱལ་རྟགས། རྒྱལ་གླུ་བཅས་ཀྱི་ཐོག་གཞུང་འབྲེལ་གྱི་གཏན་འབེབས་ཡིག་ཆ་དགོས་གལ།

བཙན་བྱོལ་བོད་མིའི་བཅའ་ཁྲིམས་གཏན་ལ་འབེབས་སྐབས་རྒྱལ་རྟགས་དང༌། རྒྱལ་དར། རྒྱལ་གླུ། རྒྱལ་ས་བཅས་བཅའ་ཁྲིམས་ཀྱི་ཆ་ཤས་སུ་གཏན་འབེབས་གནང་ཡོད་མ་རེད། རྒྱལ་ཁབ་མང་པོའི་རྩ་ཁྲིམས་སུ་རྒྱལ་ས་དང༌། རྒྱལ་དར། རྒྱལ་རྟགས། རྒྱལ་གླུ་བཞི་གཏན་ལ་ཕབ་པའི་ལུགས་སྲོལ་ཡོད་པ་ཞིག་རེད།

འོས་བསྡུ་ལས་ཁང་གི་ཕྱག་ལས་གྲ་འགྲིག་པོ་མེད་ཚུལ།

འོས་བསྡུ་ལས་ཁང་དང༌། གཞུང་ཞབས་འདེམས་བསྐོ་ལྷན་ཁང༌། རྩིས་ཞིབ་ལས་ཁང་བཅས་ཀྱི་ཐོག་བགྲོ་གླེང་བྱུང་བའི་སྐབས་གསལ་བཤད་བཀའ་ཤག་ནས་གནང་དགོས་ཀྱི་ཡོད། བཀའ་བློན་ཁྲི་པས་གནང་ནའང་འདྲ། བཀའ་བློན་གཞན་སུས་གནང་ཡང་འགྲིགས་ཀྱི་རེད། ད་ལན་ང་ཚོ་དུས་ཚོད་ཏོག་ཙམ་འགྱངས་ན་བསམ་པ་བྱུང་སྟེ་ཕལ་ཆེར་ཕན་ཐོགས་གང་ཡང་ཡོང་གི་མེད་པ་འདྲ།

ཁྲལ་སྦས་བསྐུམས་ཀྱི་བྱ་སྤྱོད་ལ་ཐུགས་མ་རངས་པ་གནང་སྐོར།

བཅའ་ཁྲིམས་དང་ལྡན་པའི་མང་གཙོའི་སྲིད་གཞུང༌། དེ་ཡང་ཞེ་དྲགས་ཀྱི་སྤོབས་པ་ཆེན་པོའི་ཐོག་ནས་ཆོས་སྲིད་ཟུང་འབྲེལ་ཡིན་ཞེས་ང་རང་ཚོས་ཡང་ཡང་བཤད་བསྡད་རྒྱུ་དང༌། ྋགོང་ས་ྋསྐྱབས་མགོན་ཆེན་པོའི་དབུ་ཁྲིད་ཀྱི་འོག་ལ་ཡོད་པའི་སྲིད་གཞུང་ཞིག་གི་གྲོས་ཚོགས་ནང་གྲོས་འཆར་གྱི་ཡིག་ཆ་འདིའི་འགོ་བརྗོད་དེར་གཟིགས་པ་ཡིན་ན།

ྋགོང་ས་མཆོག་གི་སྐུ་དབང་ཐོག་གྲོས་ཚོགས་སུ་བགྲོ་གླེང་གནང་མི་ཆོག

ངས་གྲོས་ཚོགས་སྐབས་བཅུ་གཅིག་ནས་བཟུང་སྟེ་སྐབས་བཅུ་གཉིས་ཀྱི་བར་དུ་ལན་འགའ་ཤས་གསལ་བཤད་ཞུས་ཡོད་ཀྱང༌། སྤྱི་འཐུས་རྣམ་པས་ཐུགས་དགོངས་སུ་མ་ངེས་པར་བརྟེན། བསྐྱར་ལྡབ་ཞུ་དགོས་བྱུང་སོང༌། ཕྱི་རྒྱལ་དོན་གཅོད་ཁང་ཁག་གི་སྐུ་ཚབ་ངོ་མ་རྣམས་ྋགོང་ས་མཆོག་གིས་ཐད་བསྐོ་གནང་བ་མ་གཏོགས་ལས་བྱེད་སྒྲིག་གཞི་གཞིར་བཟུང་གིས་བསྐོ་གཞག་གནང་གི་མེད།

ཞིབ་འཇུག་ཚོགས་ཆུང་གི་སྙན་ཐོ་དང་འབྲེལ་བའི་སྐོར།

རྩིས་ཞིབ་སྙན་ཐོའི་ཐོག་ཞིབ་འཇུག་ཚོགས་ཆུང་ཞེས་པ་ཞིག་བར་ལམ་བཙུགས་ཡོད་ཅིང༌། དེ་འཛུགས་སྐབས་ཞིབ་འཇུག་ཚོགས་ཆུང་འཛུགས་སྟངས་ཀྱི་ལམ་དང་ལུགས་སྲོལ། ལས་དོན་བརྗེད་བྱང་སོགས་ཚང་མ་སྤྱི་སྲོལ་དང་རང་བཞིན་གྱི་ཁྲིམས་དང་མཐུན་པ་ཞིག་ཡོང་རྒྱུའི་ཐད་སྐུ་ངལ་གང་ལ་གང་འཚམས་འཕྲད་འདུག གང་ལྟར་མཐའ་མ་འཛིན་སྐྱོང་བཀའ་ཤག་གིས་བསྐོ་གཞག་འོག་ཞིབ་འཇུག་