༈ གནས་མཇལ་བའི་དགོས་པ་དང་དེའི་ཕན་ཡོན།
༄༅།། སྔོན་མ་སློབ་ཕྲུག་ཚོ་ཉིན་མང་པོ་དང་ཐག་རིང་པོར་ཤེས་རིག་ལྟ་སྐོར་དུ་ཕྱིན་པ་རེད། འདི་ལོ་ཤེས་རིག་ལྟ་སྐོར་ལ་མ་གཏང་ན་ཞེས་སྐད་ཆ་བྱུང་བ་རེད། གང་ལགས་ཤེ་ན། ཤེས་རིག་ལྟ་སྐོར་དང་གཟབ་སྦྱོང་གཉིས་ཀ་ལོ་མང་པོ་མུ་མཐུད་དེ་སོང་བ་ཡིན་ཙང་། འཆར་ཅན་བྱས་པ་དེ་ལས་སློབ་ཕྲུག་ཚོ་ལ་སློབ་སྦྱོང་དང་བློ་བསྐྱེད་གསར་པ་མི་འདྲ་བ་རག་རྒྱུ་མེད་པ་ཞིག་ཆགས་འདུག སྤྱིར་བཏང་བོད་པའི་གཤིས་ཀ་ལ་ལོ་གཅིག་གཉིས་ལས་ཀ་གང་བྱས་པ་དེ་འཆར་ཅན་འགྲོ་རྒྱུ་མ་གཏོགས། དེ་ལ་འགྱུར་བ་དང་གསར་གཏོད་ཀྱི་རྣམ་པ་དགོས་པ་དེ་མི་བྱེད་པ་ལྟ་བུ་ཡོད། དེ་ནི་འགྲིགས་ཀྱི་མི་འདུག་ཅེས་སྔོན་མ་ནས་བཤད་པ་རེད།